Giuirléid a braitheann nuair atá rabharta uisce i lintéar sráide. Seoltar comhartha láithreach tríd an scamall go dtí na húdaráis chuí.
Ceanglaítear an giuirléid le bun na greille a shuíonn ar bharr an lintéir trí bhíthinn stropa, ach is féidir é a úsáid chomh maith i lintéir nach bhfuil greillí orthu trí leas a bhaint as brac. Déantar é a shuiteáil in achar an-ghearr ama.
Dearadh an-daingean, feistithe mar is cuí, mar aon le bheith in oiriúint do na córais ghlantacháin a bhíonn á n-úsáid le lintéir.
Is minic a théann baoithe fáinne ar lár. Is minic freisin nach dtuigeann daoine áirithe an tábhacht atá leo, agus d'fhéadfadh sé tarlú mar sin nach ann dóibh nuair a bhíonn gá leo. Anois tá gléas ann a choinníonn an baoi faoi chianfhaire. Má bhaintear é, braitear é sin agus seoltar teachtaireacht ríomhphoist, nó taispéantar rabhadh ar scáileán, sa chaoi is gur eol do na húdaráis chuí faoin eachtra.
Is minic a imíonn sócmhainní ar lár, ach in áiteanna atá iargúlta gan nascanna cumhachta ná a leithéid. Is féidir leis an ngléas seo súil a choinneáil ar shócmhainní mar seo ar bhealach simplí saor. Feidhmíonn sé mar seo: má sciobtar clib mhaignéadach chun siúil, seoltar teachtaireacht go dtí na húdaráis faoi láithreach. Glaoimid 'clibeadóg' ar an gclib seo, focal nuachumtha.
Ní gach lá a líontar bosca bruscair, ná baol air. Bíonn laethanta ann nach mbíonn gá len é a fholmhú, ach ní fiú sin a fháil amach ag tú ann cheana féin. Leis an ngléas seo, is féidir le lucht bailithe an bhruscair a fhios a bheith acu roimh ré cé chomh lán agus atá an bosca bruscair gan gá cuairt a thabhairt air ar dtús. Tá sé curtha in oiriúint do bhoscaí bruscair phoiblí.
Tá monatóir leictreonach forbartha ag Telemonitron a dhéanann tuairisciú rialta ar an méadú, más ann dó, atá ag tarlú d'aon scoilt lena bhfuil sé fáiscthe. Tá fad saoil cúig bliana ar a laghad sa chadhnra ann chomh maith, mar sin ní bhíonn gá cuairt a thabhairt ar an láthair ach go han-annamh. Oireann sé ach go háirithe do láithreacha atá deacair le teacht orthu agus atá i bhfad i gcéin.
Is iad na córais NB-IoT, Sigfox agus LoRa na príomhmheáin chumarsáide. Is córais ísealchumhachta is ísealchostais iad seo, le cumas teoranta seolta atá forleathan in an-chuid tíortha agus atá thar a bheith oiriúnach do tháirgí IoT.
Forbraíodh an Monatóir Lintéir i ndlúthbhaint leis an Aonad Chothabháil Draenála Bóthar i gComhairle Cathrach Bhaile Átha Cliath agus mar chuid den togra uaillmhianach Smart Dublin.
Cuireadh maoiniú ar fáil don togra faoin scéim SBIR atá á reachtáil ag Fiontraíocht Éireann.
Déan teagmháil linn!
L12 Páirc Ghnó na Grianóige; Ráth Cúil; Co. Bhaile Átha Cliath; Éire
+353 1 487 7600
info@msemicon.com